Wednesday, April 25, 2012

مذكرات وحيد

أنا عايز أكتب
بس قلمى كارهنى
و الوقت محتقرنى 
أنا نفسى أعبّر
و نفسى فيك أأثّر
أنا لما بفرح 
برش برفان 
لون الإزازة فوشيا
زى لون شفايفى فى الصيف 
و نفسى فى كل يوم 
أعرف أتكلم
حاسس إنى متنيل
و مش عارف ليه بكتب بالمذكر 
رغم إن شعرى طويل 
و بينادولى بالمؤنث
يمكن كدة هعرف فيك أأثر ؟
أنا لما بزعل 
برش برفان 
لون الإزازة إسود
زى لون عينيا فى كل يوم 
أنا بكتب كلام مش مفهوم
بس دة من عشمى فيك
إنك تفهمنى و تساعدنى 
أنا مبقتش أتكلم 
و الناس مبقوش يقعدوا معايا
حتى و أنا معاهم
مش حاسس إلا بعيايا 
أنا آه و حيد
لكن أنا مش وحدانى !
                                              _________________
أنا لما بتيجى الساعة 6 
أحب أشرب فنجان شاى إنجليزى 
و أتفرج على المسلسل التركى 
أصل جرعة الدراما جارحة 
و جرعة الرومانسية قاتلة 
متقفلش منى و حياة أبوك 
أنا بحاول أحكى عشان أطلع
كلام مكبوت محبوس ..
أنا لما آجى أذاكر
بعمل جداول فى دفاتر 
أكتب فيها أسماء الدروس
و أشطب على اللى اتذاكر 
بس عمر الدفتر ما كان فى يوم مشطوب !
أنا يمكن مش عارف أتكلم 
بس أنا بحاول أتلحلح 
يا ترى الكلام مخاصمنى ؟
أنا لو خاصمتك فى يوم 
و جيت قلت أنا آسف 
ساعتها هجرى عليك زى المجنون
عشان بس تعرف إن أسفك مقبول 
أنا لما بتعب مش بقول 
و أما أفشل مش بَلوم 
أنا لما بنقرا بتوه 
و أما أكتب برسم الحروف
و لما أزعل مش بنزّل دموع 
و لما أتوجع مبقولش آه 
أنا آه معتوه 
أنا آه جوايا أنين 
لكن أنا مش أنانى !
                                _____________________
أنا عارف إنك مستغرب 
بس أرجوك كمّل 
أنا بحكيلك عشان واثق فيك
و كتابتى دى من عشمى فيك 
عندى حكاوى كتير 
بس واضح إن فودافون ضحكوا علينا 
و خلصت كلها فى التليفون 
تفتكر أنا بهلوس ؟
أنا لما بسمع أغانى 
لو فبها طبل بلدى 
أو لحن شرقى 
أخاف على إيقاعها أرقص
حتى لو أنا لوحدى 
أخاف المراية تشوفنى 
و تتريق على وكسة رقصى !
أنا لما بلبس كعب بتكسف
و أما يبقى فى ودنى حلق بتحرج
و لو فى عينيا كحل أستحى ..
رغم إنى متفائل 
و جوايا جناين 
بس عمرى ما عرفت أضحك 
و عارف إنى بعد ماشيل التقويم 
هفضل كدة معرفش أعلىَ بضحكتى 
عندى صورة لفتى الأحلام 
بس شكله حلقلى و نام 
أنا آه و حيد 
لكن أنا مش وحدانى !
                                   ___________________________
أنا فيه أوقات 
بفضل بالساعات و الأيام 
مستنى مكالمة زى الغلبان 
سؤال عن صحتى و نفسيتى 
بس حتى رنة التليفون 
كانت عليّا حرام 
أنا كنت زمان وقت ما أتفسح 
أبقى فرحان تنين 
دلوقتى مبقتش تفرق كتير 
أنا إنسان مهووس 
و من أحلامى الوردية 
إن حماسى للشات يرجع زى الأول 
و إنى لما أتعاكس 
أتعاكس معاكسة جميلة من بتوع زمان 
مش معاكسة بذيئة 
تقرف حتى الحيوان 
كان عندى عرايس
برجلين طويلة 
كنت ألعب معاهم عريس و عروسة 
و كانت أجمل أيام 
أيام الحضانة 
و الجنينة الواسعة 
أيام لما كنت باكل عسل الورد 
و أمضغ ورق الشجر 
دلوقتى أنا لوحدى 
بس أنا عارف ، عارف كويس
إن ذكرياتى بتونسنى 
مهما كنت وحيد !






ملحوظة : لو قريت البتاعة دى 
اكتب تعليق بالجملة اللى أثرت فيك 
دة لو أنا عرفت أأثر فيك ! :)
Posted by at

6 comments:

  1. Séma..April 25, 2012 at 12:31 PM

    عندى صورة لفتى الأحلام
    بس شكله حلقلى و نام
    أنا آه و حيد
    لكن أنا مش وحدانى !
    ___________________________
    أنا فيه أوقات
    بفضل بالساعات و الأيام
    مستنى مكالمة زى الغلبان
    سؤال عن صحتى و نفسيتى
    بس حتى رنة التليفون
    كانت عليّا حرام
    أنا كنت زمان وقت ما أتفسح
    أبقى فرحان تنين
    دلوقتى مبقتش تفرق كتير


    bgd bgd aktr 7eta asareeeet feya gidnnnn !!



    أخاف المراية تشوفنى
    و تتريق على وكسة رقصى ! okaay fl 7eta dii !
    ana fe3ln da7akt !!

    salma fe3ln 3agbtni gidn gidn !! ymkn a7sn 7aga aretha el sana di ^_______^
    btw da shabah she3r esmo she3r el taf3ela bytktb kda ;)

    3yza 2a2ra 7agat zay dee kteeeeeeer !!
    totally in love with <3

    ReplyDelete
  2. Salma A.April 25, 2012 at 12:34 PM

    Sema :D ashkorek be shedda :D you made me feel better fe3lan ^^
    3ashan 3omry makatabt 7aga keda abl keda :)
    thank you for your awesome comment =)

    ReplyDelete
  3. NayeraApril 25, 2012 at 1:13 PM

    أنا لما بتعب مش بقول
    و أما أفشل مش بَلوم
    أنا لما بنقرا بتوه
    و أما أكتب برسم الحروف
    و لما أزعل مش بنزّل دموع
    و لما أتوجع مبقولش آه

    :D :D :D :D
    I like this part the most
    aktr 7aga 3gbtni eni sm3t sotak btitklmi we ana b2raha we da assar fya we fe 7etat ktiir awe 3gbtni fiha

    7lwaa awee w stylek 7elw fiha ;)
    wktbi mn el nou3 da ketiir

    ReplyDelete
  4. Salma A.April 25, 2012 at 1:15 PM

    I will try isA :)
    I was sure that you'd choose this part ..
    thanks for commenting

    ReplyDelete
  5. Souhaila ElGalladApril 26, 2012 at 1:08 PM

    أنا عايز أكتب
    بس قلمى كارهنى
    --
    7lwaa awii
    التلقائية اللي بتكتبي بيها
    حسستني بالكلام جدا
    **
    و مش عارف ليه بكتب بالمذكر
    **
    ده فعلا اللي بيحصل لما حد يقعد يكتب أي حاجة تيجي فـباله
    يكتب اللي فـدماغه و بعدين يـrealize هوه كتب ايه !!
    انتي مش متخيلة قد ايه كل كلمة انا كنت فعلا حساها
    معتقدش في اسلوب ابسط من كدة حاجة زي دي,يتكب بيها
    --
    أنا لما بتعب مش بقول
    و أما أفشل مش بَلوم
    أنا لما بنقرا بتوه
    و أما أكتب برسم الحروف
    و لما أزعل مش بنزّل دموع
    و لما أتوجع مبقولش آه
    أنا آه معتوه
    أنا آه جوايا أنين
    لكن أنا مش أنانى !
    --
    this is my fav. part ..
    Its AWESOMEEEEEEEEEE ..
    Really Awesome .. :)

    ReplyDelete
  6. Salma A.April 27, 2012 at 2:34 AM

    thank you :) you made my day ^^

    ReplyDelete

Subscribe to: Post Comments (Atom)

ناس عدت من هنا